ನಿಜದಾನಂದ

ಅಗೋ ನೋಡಲ್ಲಿ
ಬಾನ್ ನೀಲಿಯ ಬಣ್ಣಾ
ಹೊಸ ಕನಸಿನ ರಂಗೋಲಿಯ
ಚಿತ್ತಾರದ ಹೊಳಪಣ್ಣಾ

ಮಿನು ಮಿನುಗುವ ತಾರೆ
ನಿಜ ಆಲಾಪದ ಸಂಗೀತ
ತೆರೆದಿಟ್ಟಿದೆ ಹೂ ಒಡಲಿಗೆ
ಗಮ ಗಮಸುತ್ತಿದೆ ಬಾರೆ

ಕೈಗೆಟುಕದ ಆಗಸಕೆ
ಪದ ಕಾವ್ಯದ ಏಣಿ
ಹತ್ತು ಬಾ ಕವಿ ಮಣಿ
ಕನಸಿನಲಿ ನೀ ತೇಲಿ

ನವಿರಾದ ಗಿರಿ ಪಂಕ್ತಿಗೆ
ತೆರೆದಿಟ್ಟಿದೆ ಸಾಲು
ಬೆಳಗುತ್ತಿದೆ ಭವ್ಯ ಭಾರತದಲಿ
ಸಾಲಿನಲಿ ನೀ ನಿಲ್ಲು

ಇಳೆವಯಸ್ಸಿನ ಹೊಸ ಗಾಳಿ
ಸುಧೆ ತುಂಬಿದೆ ರಂಗೇರಿ
ಕಾರ್ಮೋಡದಲಿ ಮಸುಕಾಗಿದೆ
ಸವಿ ಮನವು ಬಾಯಾರಿ

ಮಧುಪಾನದಿ
ಉಮ್ಮೆದ್ದಿದೆ
ದೂರದ ರಸಾನಂದ
ನಿಜ ಭಕುತಿ ಭಾವದಲಿ
ಮಿಂದೆದ್ದಿದೆ
ನಿಜದಾನಂದ

ಡಾ ಸಾವಿತ್ರಿ ಕಮಲಾಪೂರ