ಗಾಳಿ

ಗಾಳಿ ಸುಳಿದಾಡುತ್ತದೆ
ನಮ್ಮ ನಿಮ್ಮಯ ಸುತ್ತ
ಸುದ್ದಿ ಸುಂಟರ ಗಾಳಿ
ಸ್ನೇಹ ತಿಳಿಗಾಳಿ
ಪ್ರೀತಿ ಮಮತೆ ಕರುಣೆ
ನೆಮ್ಮದಿಯ ಗಾಳಿ
ಕೋಪ ತಾಪ ದ್ವೇಷಗಳ
ಸುಡು ಸುಡು ಬಿರುಗಾಳಿ
ಒಮ್ಮೊಮ್ಮೆ ಭಯಂಕರ
ಚಂಡ ಮಾರುತ ದಾಳಿ
ಭಯ ಭೂಮಿ ನೆಲ ಕಡಲು
ಉದುರಿ ಬೀಳುತ್ತವೆ ಎಲೆಗಳು
ಬೇರುಗಳ ಗಟ್ಟಿತನದ ಪರೀಕ್ಷೆ
ಸುನಾಮಿಗೆ ತತ್ತರಿಸುವುದು ಜಗವು.
ಮನೆ ಕಟ್ಟಡ ಹಾರಿ ಹೋಗುವವು
ಮರಗಳು ಉರುಳಿ ಬೀಳುವವು.
ಸಮುದ್ರ ತಟದ ಮೂಲೆಯಲಿ
ತೆರೆಯ ಅಲೆ ಹೊಡೆತ ತಿಂದರೂ
ಹುಲ್ಲು ನಸು ನಕ್ಕು ಹೇಳಿತು
ಬಾಗು ಬೀಗ ಬೇಡ ಎಂದು
________________________

ಡಾ ಶಶಿಕಾಂತ ಪಟ್ಟಣ ರಾಮದುರ್ಗ ಪುಣೆ