Homeಕವನಕವನ : ಕನಸುಗಳು

ಕವನ : ಕನಸುಗಳು

Published on

ಕನಸುಗಳು

ನಾ ಕಂಡ ಕನಸುಗಳು
ಮಾಯವಾದವು ಹಗಲು
ರಾತ್ರಿಯಿಡಿ ಭಾವಗಳ
ಬೀಜ ಬಿತ್ತಿ

ಹಲವು ದಿನಗಳ ಬಯಕೆ
ಭರವಸೆಯ ಮೂಡಿಸಿ
ಬಿರು ಗಾಳಿಯಲಿ ಎಲ್ಲೋ
ಮಾಯವಾಗಿ

ಮೊಳಕೆಯೊಡೆಯುತಲೇ
ಚಿಗುರು ಕಮರಿತು ಬಾಡಿ
ಹಸಿರು ಕಳೆಗಳ ಮಧ್ಯೆ
ಸ್ಪೂರ್ತಿ ಮಳೆ ಇಲ್ಲದೆ

ಸ್ನೇಹದ ಅರಮನೆ
ಹೃದಯದ ಹೂದೋಟ
ಒಣಗಿದವು ಗುಲಾಬಿ
ವಿರಹ ಬೇಗೆ

ಪ್ರೀತಿಯ ಸಿಂಚರ
ಹೊಯ್ಯುವ ದಿನಕಾಗಿ
ನೆಟ್ಟಿರುವೆ ಕಣ್ಣುಗಳ
ಮುಗಿಲು ಮೋಡಗಳ ನಡುವೆ
______________________

ಡಾ ಶಶಿಕಾಂತ ಪಟ್ಟಣ ರಾಮದುರ್ಗ ಪುಣೆ

Latest articles

More like this