ನಂಬಿಕೆಯ ಬಿಂಬ

ಕಾಣದ ಅದ್ಭುತ ಶಕ್ತಿಯೇ ನಂಬಿಕೆ
ಪಡೆದು ಕಳೆದುಕೊಳ್ಳಬಾರದು ಜೋಕೆ
ಗಳಿಸಲದನು ನಾವಾದಾಗ ಯೋಗ್ಯ
ದೊರಕುವುದಾಗಲೆ ಸಕಲ ಸೌಭಾಗ್ಯ

ಬದುಕಿಗದೆ ಅಡಿಪಾಯ
ಉಳಿಸಿಕೊಳ್ಳದಿರೆ ಅಪಾಯ
ಮಾನವ ಕುಲಕದು ಮೂಲಾಧಾರ
ಆಡಿಸಿ, ನೋಡುವ ಆ ಸೂತ್ರಧಾರ

ಬಾಳಿನ ನಾಣ್ಯಕೆ ಮುಖಗಳೆರಡು
ಪ್ರೀತಿ, ನಂಬಿಕೆ ಜೋಡು
ಸಾಗುತಿರಲಿ ಜೀವನ ಮಾಗಿ
ಸ್ಮರಿಸುತಾ ದೇವಗೆ ಶರಣಾಗಿ

ನನ್ನ ನಂಬಿಕೆಯ ಬಿಂಬ ನೀನು
ನಂಬಿಹೆ ನಿನ್ನನು, ಕೈ ಬಿಡದಿರೆನ್ನನು
ಸರ್ವಕಾರ್ಯದ ಶಕ್ತಿಯ ಮೂಲ
ನೀ ನಡೆಸಿದಂತೆ ನಡೆವೆವು ನಾವೆಲ್ಲ

ಅರಿತಿರುವೆ ನೀ ಬೇಕುಬೇಡಗಳನು
ಕೇಳೆನೆಂದು ನಾ ನಿನ್ನ ಇನ್ನೇನನು
ಭವಶರಧಿಯ ತೊಡಕಿಲ್ಲದೆ ದಾಟಿಸು
ಅಂಬಿಗನು ನೀನಾಗಿ ದಡವ ಸೇರಿಸು

ಸ್ಮಿತಾ ಪಾವಟೆ
ಬೆಂಗಳೂರು