ಮರದ ಮೊರೆ

ಎನ್ನ ಆರ್ತ ಮೊರೆಯನು ಆಲಿಸಿರಣ್ಣ
ಎನ್ನ ಕರುಳ ಕರೆಯನು ಕೇಳಿರಣ್ಣ
ನಾನೂ ಒಂದು ಜೀವಿಯು ಅಣ್ಣ
ನನಗೂ ಬದುಕುವ ಹಕ್ಕುಇದೆಯಣ್ಣ

ಭೂದೇವಿಯೆ ನನ್ನ ತಾಯಿಯಣ್ಣ
ಮಳೆರಾಜನೆ ನನ್ನ ತಂದೆಯಣ್ಣ
ಪವನ ಸೂರ್ಯರೆನ್ನ ಸ್ನೇಹಿಗಳಣ್ಣ
ಇವರ ಕೃಪೆಯಿಂದ ಬದುಕಿಹೆನಣ್ಣ

ನಿಮ್ಮಿಂದ ಏನನು ಬಯಸೆನು ಅಣ್ಣ
ನಾನೆಂಥ ಉಪಕಾರಿ ತಿಳಿದು ನೋಡಿರಣ್ಣ
ಕಡಿಯಬೇಡಿರಿ ದಯಮಾಡಿ ಎನ್ನ
ಸೆರಗೊಡ್ಡಿ ನಾ ನಿಮ್ಮ ಬೇಡುವೆನಣ್ಣ

ಬಿಸಿಲಲಿ ನಿಮಗೆ ನೆರಳನು ಮಾಡುವೆ
ದೇವರ ಪೂಜೆಗೆ ಹೂಗಳ ನೀಡುವೆ
ತಿನ್ನಲು ರುಚಿಕರ ಹಣ್ಢನು ಕೊಡುವೆ
ಅಡಿಗೆ ಮಾಡಲು ಉರುವಲುವಾಗುವೆ

ಬೆಳೆಗಳಿಗೆ ನಾ ಮಳೆಯನು ತರುವೆ
ಉಸಿರಾಟಕೆ ಪ್ರಾಣವಾಯುವ ಕೊಡುವೆ
ಮರಮುಟ್ಟು ಔಷಧ ಗೊಬ್ಬರ
ಬಹು ಉಪಯೋಗಿ ಕಾಣಿರಣ್ಣ

ಭೂಮಿತಾಯಿಗೆ ಭೂಷಣ ನಾನು
ಪಕ್ಷಿ ಸಂಕುಲಕೆ ಆಶ್ರಯ ನಾನು
ದನಕರುಗಳಿಗೆ ಗ್ರಾಸವು ನಾನು
ಮಾನವ ಬದುಕಿಗೆ ಆಸರೆ ನಾನು

ಕಡಿಯಬೇಡಿರಿ ದಯಮಾಡಿ ಎನ್ನ
ಸೆರಗೊಡ್ಡಿ ನಾ ನಿಮ್ಮ ಬೇಡುವೆನಣ್ಣ

ಆರ್. ಎಸ್. ಚಾಪಗಾವಿ
ಬೆಳಗಾವಿ 8317404648